اللاعب سامي سعيد خبر وفاة اللاعب سامي سعيد نتيجة بلعه لسانه أولا ربنا يرحمه و يغفرله و يسكنه فسيح جناته و يصبر أهله

                اللاعب سامي سعيد
 خبر وفاة اللاعب سامي سعيد نتيجة بلعه لسانه 

 أولا ربنا يرحمه و يغفرله و يسكنه فسيح جناته و يصبر أهله 

 ثانيا عملية بلع اللسان مش ان الواحد بيبلع لسانه بالمعنى الحرفي كما هو شائع عند ناس كتير ولكن اللي بيحصل ان اللسان عضلاته بترتخي كما هو حال معظم العضلات في حالات زي فقدان الوعي او غيره فبيتراجع على مجرى الهوا و يسده فالإنسان فاقد الوعي  بيتخنق بلسانه 
 ثالثا التصرف في الحالات دي باتباع خطوات بسيطة 
١ . التأكد من سلامة المكان و ابعاد الشخص الفاقد للوعي من مكان الخطر  مع العلم ان مينفعش نحرك حد مصاب في حادثة او واقع من مكان عالي او ما شابه لأنه ممكن يكون مصاب بكسور في العمود الفقري 
٢  طلب المساعدة و الاتصال بالاسعاف فورًا
٢ عمل احد التكنيكين الموجودين في الصورة

- عن طريق إمالة الرأس بالضغط على الجبهة لأسفل و دفع الذقن لأعلي كما هو موضح في الصورة رقم ١ 
  تكنيك محظور في حالات الاشتباه في وجود كسر في العمود الفقري في منطقة الرقبة زي الحوادث و غيره و نستخدم التكنيك الآخر في هذه الحالات
 Jaw thrust maneuver 
 عن طريق ازاحة عظمة الفك السفلي لأعلي بالوقوف خلف رأس المصاب وضع الأربع أصابع لكلا اليدين خلف عظمة الفك السفلي و وضع الابهامين على عظمتي الفك العلوي او الوجنتين بين الانف و الخد و سحب الفك السفلي لأعلى كما هو موضح في الصورة رقم ٢
 مع الأخذ في الاحتياط عدم تحريك الرأس
بتنفيذ الخطوات دي احنا بنرجع اللسان لمكانه بما انه مش عارف يرجع لمكانه لوحده فبنفتح مجرى الهوا
  الخطوات دي بتتعمل بعد التأكد من عدم قدرة المصاب على التنفس و بيبقى مصاحب ليها إنعاش قلبي رئوي  CPR أكيد في حالات توقف نبض القلب