كأس العالم قطر ٢٠٢٢ Qatar World Cup 2022

             

كأس العالم قطر ٢٠٢٢
               Qatar World Cup 2022

 كأس العالم قطر ٢٠٢٢
  الأن البقاء للأقوى /  هذا هو عنوان دور ربع النهائي لكأس العالم  /  لامجال للتحليلات كل شيئ لأرض الملعب 

 بالمنطق وبعيداً عن العاطفة  ماهي ترشيحاتكنم للمنتخبات القادرة على التأهل لنصف النهائي

البرازيل  /  كرواتيا  /  الارجنتين  /  هولندا / فرنسا انجلترا

المغرب  / البرتغال

من الأربع فرق المتأهلة #

كأسا  لعالم  كأس  العالم   قطر2022 

للاسف 

الصحافة البرتغالية و كل ما هو صحفي عايز ياخد التريند و ياخد الريتش كله في حوار ان رونالدو كان دكة في مباراة سويسرا و ان سانتوس قال ايه عمل معاه مشاكل ف طلعوا بخبر النهاردة الصبح بيقول ان رونالدو هدد سانتوس و المنتخب كله بمغادرته لمعسكر المنتخب بسبب اللي حصل ده  

و الحقيقة الاخبار اللي زي دي بتنتشر بشكل كبير لان ببساطة فيها اسم رونالدو و دايما عايزين يخلوا صورة رونالدو سيئة قدام الناس كلها و مفيش انسب من دي فرصة عشان اتشهر كصحفي و اكون التريند الاول في العالم 

ف طلع الاتحاد البرتغالي لكرة القدم من شوية ببيان بسيط بيقول   التقارير التي تزعم أن كريستيانو رونالدو قد هدد بمغادرة المنتخب الوطني خلال محادثة مع فيرناندو سانتوس غير صحيحة   كريستيانو لم يهدد في أي وقت بمغادرة المنتخب الوطني في قطر 

مش عارف ليه الصحفيين لازم يوصلوا لمرحلة انهم يقلوا من نفسهم بالشكل ده و ان لازم يطلع بيان رسمي من الاتحاد البرتغالي عشان كله يسكت شوية و يبطلوا اشاعات فارغة و معلومات كاذبة 

محدش رجع لتصريح رونالدو مثلا لما قال " إذا فزنا بالبطولة و لم أسجل أي هدف  سأتجاوز ذلك   أقسم على حياة أطفالي ان أهم شيء بالنسبة لي هو ما سيُكتب في التاريخ بتتويجنا بالمونديال 

و كمان تصريح سانتوس بعد مباراة سويسرا لما قال   لا توجد مشكلة مع قائدنا   نحن أصدقاء منذ سنوات  تحدثنا قبل المباراة و لم يكن لديه مشكلة في قراري 

طب ما نشوف التصريحات و نحاول نفهم الكلام و نرتبه و نوصل للحقيقة ، ليه البلبلة الفارغة   و ليه نخلي صورة رونالدو سيئة و ليه انت كإعلام برتغالي بدل ما تدعم المنتخب و المدرب و القائد   تروح تخلق مشكلة من لا شئ 

طب ما نشوف احتفالاته من علي الدكة بالاهداف اللي بيجيبها زمايله في الملعب  فيه واحد مقموص و عايز يسيب معسكر بيحتفل بالشكل ده اصلا ؟

ليه مش عايزين نشوف الصورة صح لمجرد ان احنا عايزين نشوه صورة رونالدو امام العالم كله و ناخد التريند من خلاله 

هو ايه المشكلة اصلا لما رونالدو يقعد دكة  

راجل في سن ال 38 و عنده مشاكل واضحة في الركض ، الركض اللي محتاجه مهاجم اليومين دول عشان يخدم المنظومة في تطوير الهجمة و كمان يخلق لنفسه مساحة بين الخطوط عن طريق الركض العمودي 

رونالدو كان استاذ الركض   استاذ السلوك الاستكشافي و اللي بسبب تجاهله من الناس   قالوا عليه بيجيب اهداف   مقشرة 

و الفكرة انه كان بيستكشف مساحات الملعب صح و في توقيت مبكر عن المدافعين عشان كدة بيكون جوة المساحة الصح في التوقيت صح  ف بيستغل اي كورة تانية لصالحه او حتي بيفتح فرصة التمرير لنفسه في الاماكن دي 

فكرة رونالدو دكة و ينزل 30 او 20 دقيقة في الشوط التاني دي فكرة صحية لصالحه ، لان العامل البدني فيه مشكلة حاليا ، و انك تنزل رونالدو في نهاية المباراة دي ميزة ليك لانه وارد يحسم اي مباراة في الدقائق دي عكس ما ترهقه و تخلص بنزينه بدري في بداية المباراة

و اعتقد الفكرة دي كان بيناقشها سانتوس مع رونالدو قبل مباراة سويسرا بعد ما تم ملاحظة الاشياء دي في اول ٣ مباريات بتوع المجموعات و الاتنين اتفقوا علي نفس القرار و كان ناجح جدا القرار و خلاك تستخدم بروفايل قوي في التحركات و الانهاء زي جونزالو راموس و قدر يحسملك الماتش بدري بدري 

رونالدو ياما خلق السعادة علي وجوه البرتغاليين  في وسط توهج ايزيبيو و فيجو و نونو جوميز و روي كوستا ، مقدروش يحققوا يورو   و رونالدو لوحده في يورو 2016 قدر يجيب بطولة غالية جدا للبرتغال للمرة الاولي في تاريخهم في وسط ما البرتغال مكانتش مرشحة اصلا نظرا لقوة سكواد الخصوم عنها 

رونالدو شال البرتغال سنين كتير و بمجهود فردي بحت و متوهج قدر يجيبلهم بطولتين ، و مين ينسي هاتريك ماتش سويسرا اللي بيوديهم نهائي دور الامم 2019  هدفين و اسيست ماتش المجر اللي بيعدي بسببهم البرتغال مجموعات يورو 2016   هاتريك ماتش السويد اللي بيساهم في صعود البرتغال لكاس العالم   لحظات كتير كان رونالدو هو راسم البهجة و السعادة و مجد البرتغال في الالقاب مظهرش غير بوجوده 

يمكن في مونديال قطر 2022 هو مش مقدم شئ داخل الملعب حتي الان و ان البقية زي برونو و بيرناردو و فيليكس و لياو و راموس هما اللي صانعين الفارق حتي الان   جو لكن محدش فينا عارف برة الملعب رونالدو بيعمل ايه  محدش عارف التأثير النفسي اللي بينتج منه كقائد برة الملعب   بخلاف ان محدش عارف المستقبل ، مش يمكن تيجي لحظة رونالدو و تكون دي اكتر لحظة مؤثرة للمنتخب في المونديال كله 

رونالدو مش عايز حاجة من الكورة

حقق كل شئ ما عدا كاس العالم

هو مش عايز غير اللقب ده قبل ما ينهي مسيرته

و عشان كدة ، فكرة انه يترك المعسكر عشان مبيلعبش دي افتكاسة اعلامية ملهاش اي 30 لازمة