شاين ماكمان Shane McMahon

   اكتر واحد بيصعب عليا الحقيقة هو شاين مكمان     بدأ من تحت الصفر في الاتحاد حرفيا وبدأ دوره مع الاتحاد انه كان البواب او الخدام بتاع مايك تايسون طول فترة تواجده مع WWE لما كان حكم خاص في مواجهة اوستن ومايكلز في راسيلمانيا ١٤  بعد كدة شاين ظهر في العروض بشخصيته وحصل سيناريو ال Invasion المخيب للامال بعدين تحول لمصارع 

 وكمية المخاطر اللي وصلت انه كان هيموت حرفيا في مباراته مع كيرت انجل في عرض كينج اوف ذا رينج في نفس الوقت ده كان تريبل اتش لسة متجوز ستيفاني ومكمان ابتدى يتديله ادوار ورا الكواليس و في نفس الوقت ده ابتدى يقلل من صلاحيات شين مكمان والحال استمر على كدة لحد ٢٠١٠ لما شين مكمان استقال،وفي نفس الوقت برضو تريبل اتش كبر في المنصب وبقى إداري بمنصب coo  شاين مكمان لما اتسأل عن سبب استقالته في حواره مع مايك فولي قال انه مبقاش يحس بالمتعة وان كان كل اقتراحاته بيتم رفضها، وفي ٢٠١٦ شين مكمان رجع على امل ان الوضع اتغير وابوه هيسمع كلامه ولما رجع خد بوب كبير من الجمهور ولما اتولى إدارة سماك داون بشهادة الجميع خلى سنة ٢٠١٦ من افضل السنين في تاريخ العرض الازرق، بعدين صلاحياته ابتدت تقل تاني و وصل الموضوع انه في بداية ٢٠٢٢ شين اقترح على ابوه خطط لماتش رويال رامبل وابوه رفضها ولما الماتش طلع كارثي بالشكل اللي احنا شوفناه ده فينس لام شين وطرده، وقت تنحي مكمان وتوزيع الادوار الإدارية الجديدة كنت بدور على اسم واحد بس يمكن الزمن ينصفه ، شاين مكمان لكن للاسف اسمه مظهرش ومش عارف ليه هو الوحيد من العيلة اللي مهمش، هل في يوم ممكن نشوف شاين واخد حقه و وضعه اللي يستحقه ولا هيفضل كدة 

الايام لوحدها هي اللي هتجاوب على السؤال ده
ترند اللحظة ٢٠٥٠ The trend of the moment 2050 #